monumenta.ch > Plinius > sectio 135
Word Selection for Searching
Report an Error in this Sectio
Plinius, Naturalis Historia, 22, 135
{LXV} eos, qui pane hordeacio utuntur, morbo pedum temptari negant. novem granis furunculum si quis circumducat, singulis ter manu sinistra, et omnia in ignem abiciat, confestim sanari aiunt. est et herba phoenice appellata a Graecis, nostris vero hordeum murinum; haec trita e vino pota praeclare ciet menses.